Год якасці для Смалявічаў
Гэты год адміністрацыя А. Лукашэнка абвясціла як год якасці. Грамадская ініцыятыва «За Новыя Смалявічы» ставіцца станоўчы да гэтай задачы і вырашыла таксама прысвяціць сваю дзейнасць у гэтым годзе прасоўванню якасці. Далучайцеся да нас, і мы прааналізуем, чыі ініцыятывы былі больш якаснымі: нашыя ці чыноўнікаў.
Якасць… Што гэта слова азначае для нашых людзей? Па выніках апытання гараджан па гарадскіх крамах, якасць абслугоўвання і якасць прадуктаў — самыя запатрабавальныя ўмовы для нашых людзей. Чаму ў прыватных крамах абслугоўванне лепш, чым у дзяржаўных? Адказ — рынак. Рынак і канкурэнцыя вядуць прыватны сектар да паляпшэння якасці і навукова-тэхнічнага прагрэсу.
Рынак і якасць — гэта прыярытэты еўрапейскага грамадства, каштоўнасці якога для нас не чужыя, але і не свае. Усё ж мы абіраем еўрарамонт, валюту еўра і прагнем падарожнічаць па Еўропе. На выхаванне ў нашага грамадства еўрапейскіх каштоўнасцяў і будзе накіравана дзейнасць грамадскай ініцыятывы «За Новыя Смалявічы» у гэтым годзе, а менавіта:
1. Паважаць альтэрнатыўную інфармацыю. Мы будзем надалей падтрымліваць і развіваць партал горада Смалявічы www.Smaliavichy.by і газэту «Горад Наш», прасоўваць іх сярод смалявічан.
2. Умець абіраць, выхоўваць і абараняць сваю грамадзянскую пазіцыю.
3. Быць ініцыятыўнай і творчай асобай.
4. Любіць свой родны край і ганарыцца ім.
5. Цікавіцца гісторыяй свайго роднага краю. Бо без гісторыі няма будучага!
6. Змагацца за камфортнае жыццё і прыемнае асяроддзе.
7. Займацца ўласным бізнэсам.
і шмат іншых каштоўнасцяў, якія мы мусім развіваць, каб быць у адной сям’і з іншымі еўрапейскімі народамі, каб спыніць ізаляцыю, якая не прывядзе да поспеху нашую краіну ў часы глабалізацыі.
Будзьце разам з намі віртуальна ці ў думках, і тады мы мусім зрабіць наш горад лепш.
У год якасці змяніўся і наш слоган:
СМАЛЯВІЧЫ маюць будучыню, яле якую — ЗАЛЕЖЫЦЬ ад НАС з ВАМІ!
Гэта значыць што нашы дзеянні будуць больш рашучымі, а вынікі- больш якаснымі.
Далучайцеся!
